പത്തനംതിട്ട: വീട്ടിലെ ഗോവണിയില് നിന്നും വീണ രണ്ട് വയസുകാരിക്ക് ദാരുണാന്ത്യം. മാങ്കുളം സ്വദേശികളായ ഷെബീര്-സബീന ദമ്പതികളുടെ മകള് അസ്ര മറിയമാണ് മരിച്ചത്. ഇന്ന് (ജൂണ് 22) രാവിലെ 11.30ഓടെയാണ് സംഭവം.
വീടിനോട് ചേര്ന്ന് ടെറസിലേക്കുള്ള ഗോവണിയില് നിന്നാണ് കുഞ്ഞ് വീണത്. മാതാവ് മുറ്റത്ത് തുണി അലക്കി കൊണ്ടിരിക്കേയാണ് കുഞ്ഞ് ഗോവണിയില് കയറിയത്. ഗോവണിയുടെ ഒരുവശത്ത് കൈവരിയില്ലായിരുന്നു.