കേരളത്തിൽ ബിജെപി അക്കൗണ്ട് തുറക്കില്ല; വേണമെങ്കില്‍ ബാങ്കിൽ അക്കൗണ്ട് തുറക്കാം: കെ മുരളീധരൻ - K MURALEEDHARAN AGAINST BJP

കേരളത്തിൽ ബിജെപിക്ക് അക്കൗണ്ട് തുറക്കാനാകില്ലെന്ന് കെ മുരളീധരന്‍. നാളെ എട്ടുമണി കഴിഞ്ഞാൽ താമര വാടുമെന്നും അദ്ദേഹം പറഞ്ഞു.

തൃശൂര്‍: ബിജെപിയെ പരിഹസിച്ച് കെ മുരളീധരൻ. തൃശൂരിൽ നാളെ എട്ടുമണി കഴിഞ്ഞാൽ താമര വാടുമെന്നും തൃശൂരിൽ ബിജെപി മൂന്നാം സ്ഥാനത്തേക്ക് പോകുമെന്നും കെ മുരളീധരൻ മാധ്യമങ്ങളോട് പറഞ്ഞു.

കേരളത്തിൽ ബിജെപിക്ക് അക്കൗണ്ട് തുറക്കാനാകില്ല, വേണമെങ്കിൽ ബാങ്കിൽ അക്കൗണ്ട് തുറക്കാമെന്നും ബിജെപിയെ പരിഹസിച്ചു കൊണ്ട് അദ്ദേഹം പറഞ്ഞു.

നല്ല ഭൂരിപക്ഷത്തോടെ തന്നെ കോണ്‍ഗ്രസ് വിജയിക്കുമെന്നതില്‍ യാതൊരു സംശയവുമില്ലെന്ന് മുരളീധരൻ കൂട്ടിച്ചേര്‍ത്തു. അഞ്ച് മണ്ഡലങ്ങളില്‍ വലിയ വിജയം ഉണ്ടാകുമെന്നും അദ്ദേഹം മാധ്യമങ്ങളോട് പറഞ്ഞു.