സ്‌കൂൾ ബസിനുള്ളിൽ കത്തിക്കുത്ത്; 9 -ാം ക്ലാസുകാരനെ കുത്തി പ്ലസ് വണ്‍ വിദ്യാർഥി

കുത്തേറ്റ വിദ്യാർഥിയെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു

തിരുവനന്തപുരം: വട്ടിയൂർക്കാവിൽ സ്വകാര്യ സ്‌കൂൾ ബസിൽ വിദ്യാർഥികൾ തമ്മിൽ കത്തിക്കുത്ത്. ഇന്നു വൈകിട്ട് സ്‌കൂൾ അധികൃതരാണ് സംഭവം പൊലീസിൽ അറിയിച്ചത്. 11 ആം ക്ലാസുകാരൻ 9 ആം ക്ലാസുകാരനെ കുത്തിയതായാണ് വിവരം.

വിദ്യാർത്ഥികൾ തമ്മിലുള്ള തർക്കമാണ് അക്രമത്തിൽ കലാശിച്ചതെന്ന് വട്ടിയൂർക്കാവ് പൊലീസ് സ്റ്റേഷൻ എസ് ഐ ബൈജു ഇ ടി വി ഭാരതിനോട് പറഞ്ഞു. വട്ടിയൂർക്കാവ് നെട്ടയം ഭാഗത്തെ സ്വകാര്യ സ്‌കൂളിലെ വിദ്യാർഥികളാണ് സംഘർഷത്തിൽ ഏർപ്പെട്ടത്.

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.

കുത്തേറ്റ വിദ്യാർഥിയെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചിട്ടുണ്ട്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. ഇരു വിദ്യാർഥികളും കൊടുങ്ങാനൂർ സ്വദേശികളാണെന്നാണ് വിവരം.