തിരുവനന്തപുരം:സെക്രട്ടറിയേറ്റിന് മുന്നിൽ 9 വർഷമായി സമരം ചെയ്യുന്ന ശ്രീജിത്ത് വഴിയാത്രക്കാരനെ ആക്രമിച്ചു. ഇന്നലെ (ഒക്‌ടോബര്‍ 06) രാത്രിയാണ് സംഭവം. തിരുവനന്തപുരം രാജാജി നഗർ സ്വദേശി സുരേഷ് എന്നയാളുടെ തലയിൽ കല്ലുകൊണ്ട് അടിക്കുകയായിരുന്നു.
സംഭവത്തിൽ വധശ്രമ കുറ്റം ചുമത്തി ശ്രീജിത്തിനെ കന്‍റോൺമെന്‍റ് പൊലീസ് അറസ്റ്റ് ചെയ്‌തിട്ടുണ്ട്. സഹോദരന്‍റെ മരണത്തിൽ നടപടി ആവശ്യപ്പെട്ട് 9 വർഷമായി സെക്രട്ടറിയേറ്റിന് മുന്നിൽ സമരം ചെയ്യുന്ന ശ്രീജിത്തിനെ മെഗാ ഫോൺ വഴി മുഖ്യമന്ത്രിയെ അസഭ്യം പറഞ്ഞ കേസിൽ അടുത്തിടെയായിരുന്നു അറസ്റ്റ് ചെയ്‌ത് വിട്ടയച്ചത്.