ചെറുതുരുത്തിയിൽ വീടിന്‍റെ വാതിൽ കുത്തിത്തുറന്ന് മോഷണം (Source: ETV Bharat Reporter)
തൃശൂർ: വീടിന്‍റെ വാതിൽ കുത്തിത്തുറന്ന് മോഷണം. തൃശൂരിലെ ചെറുതുരുത്തിയിലാണ് സംഭവം. അലമാരയിൽ സൂക്ഷിച്ചിരുന്ന 12 പവൻ സ്വർണാഭരണങ്ങൾ മോഷണം പോയതായി പരാതി.
ചെറുതുരുത്തി ഉഴിച്ചിൽ വൈദ്യർ റോഡിന് സമീപമുള്ള അനൂപിന്‍റെ വീട്ടിലാണ് സംഭവം. 7 പവൻ തൂക്കം വരുന്ന മാലയും വളയും മോതിരങ്ങളും അടക്കം 12 പവൻ മോഷണം പോയതായാണ് കുടുംബം പരാതിപ്പെടുന്നത്. രാവിലെ വീട്ടുകാർ വാതിൽ തുറക്കുമ്പോഴാണ് സംഭവം അറിയുന്നത്.