കോഴിക്കോട് : എഡിജിപി എംആർ അജിത് കുമാറുമായുള്ള കൂടികാഴ്‌ച വിവാദത്തിൽ പ്രതികരിച്ച് ആർഎസ്എസ് നേതാവ് റാം മാധവ്. ആർ എസ് എസ് നേതാക്കളെ കാണുന്നത് പാപമല്ല എന്ന് റാം മാധവ് പറഞ്ഞു. ആർഎസ്എസ് നേതാക്കൾ പലരുമായും കൂടിക്കാഴ്‌ച നടത്താറുണ്ട്, ഈ വിവാദത്തിന് പിന്നിൽ രാഷ്ട്രീയ അയിത്തമാണ്. ആളുകൾക്ക് പരസ്‌പരം സ്വതന്ത്രമായി കാണാനാവണം. കേരള മുഖ്യമന്ത്രി പിണറായി വിജയനെ താൻ ഒരു യാത്രയ്‌ക്കിടെ കണ്ടപ്പോൾ അഭിവാദ്യം ചെയ്‌തിട്ടുണ്ട് എന്നും അദ്ദേഹം പറഞ്ഞു.
എഡിജിപി അജിത്കുമാർ കഴിഞ്ഞ വർഷം ആർഎസ്എസ് നേതാക്കളുമായി നടത്തിയ കൂടിക്കാഴ്ച്ച അടുത്തിടെ പുറത്തുവന്നു. രാഷ്ട്രീയ എതിരാളികള്‍ ഈ കൂടികാഴ്‌ചയെ തെറ്റായ നീക്കമാണെന്ന് വിശേഷിപ്പിച്ചു. എഡിജിപിയെ തൽസ്ഥാനത്ത് നിന്ന് മാറ്റണമെന്ന് ആവശ്യപ്പെട്ട് അവർ സംസ്ഥാനത്ത് രാഷ്ട്രീയ കൊടുങ്കാറ്റ് സൃഷ്‌ടിച്ചു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക