വയനാടിന് സഹായം നൽകാനൊരുങ്ങി മൂന്നാറിലെ തോട്ടം തൊഴിലാളികൾ (ETV Bharat)
വയനാട് :വയനാട്ടിലെ തോട്ടം, കാര്‍ഷിക മേഖലയെ പാടെ തകര്‍ത്ത ഉരുള്‍പൊട്ടലിന്‍റെ ആഴം ഏറ്റവും അധികം മനസിലാകുന്നവരാണ് മൂന്നാറിലെ തോട്ടം തൊഴിലാളികൾ. നാല് വര്‍ഷം മുന്‍പ് മൂന്നാറിനെ ഞെട്ടിച്ച പെട്ടിമുടി ദുരന്തം വിതച്ച മുറിവ് ഇതുവരെയും മാഞ്ഞിട്ടില്ലെങ്കിലും വയനാട്ടിലെ ദുരന്തബാധിതർക്ക് കൈത്താങ്ങാകുകയാണ് ഇടുക്കിയിലെ തോട്ടം തൊഴിലാളികൾ.
മൂന്നാർ മേഖലയിലെ തോട്ടം തൊഴിലാളികളാണ് ഒരുദിവസത്തെ വേതനം ദുരിതാശ്വാസ നിധിയിലേക്ക് കൈമാറുന്നത്. 70 ലക്ഷം രൂപയാണ് തൊഴിലാളികൾ കൈമാറാൻ തീരുമാനിച്ചത്. സംയുക്ത ട്രേഡ് യൂണിയന്‍റെ യോഗത്തിലാണ് വയനാട് ദുരിത ബാധിതര്‍ക്കായി 70 ലക്ഷം രൂപ കൈമാറാന്‍ തീരുമാനിച്ചത്.