കോഴിക്കോട്:പന്തീരങ്കാവിലെ ഗാർഹിക പീഡനക്കേസിൽ ഇരയായ യുവതിയെ വീണ്ടും ഭർത്താവ് മർദിച്ച കേസിൽ പുതിയ വഴിത്തിരിവ്. മർദനത്തിൽ പരിക്കേറ്റ യുവതിയും രക്ഷിതാക്കളും പന്തീരാങ്കാവ് പൊലീസ് സ്റ്റേഷനിൽ എത്തി നേരിട്ട് മൊഴി നൽകിയതിന്‍റെ അടിസ്ഥാനത്തിൽ രാഹുലിനെതിരെ ഗാർഹിക പീഡനത്തോടൊപ്പം കൊലപാതക ശ്രമത്തിനും പൊലീസ് കേസെടുത്തു. യുവതിയുടെ വിശദമായ മൊഴി രേഖപ്പെടുത്തിയ പൊലീസ് ഉച്ചയോടെയാണ് കേസ് രജിസ്റ്റര്‍ ചെയ്‌തത്.
നിലവില്‍ പൊലീസ് കസ്റ്റഡിയിലുള്ള രാഹുലിന് ഈ കേസുകൾ കൂടി ഉൾപ്പെടുന്നതോടെ
വലിയ കുരുക്കാകും. പൊതുജനത്തിന് ശല്യമുണ്ടാക്കുന്ന രീതിയിൽ മദ്യപിച്ച് ബഹളമുണ്ടാക്കിയതിന്‍റെ അടിസ്ഥാനത്തിലാണ് പൊലീസ് ഇയാളെ കസ്റ്റഡിയിലെടുത്തത്. അതിനിടയിലാണ് യുവതിയും രക്ഷിതാക്കളും സ്റ്റേഷനിൽ നേരിട്ട് എത്തി പരാതിയും മൊഴിയും നൽകിയത്.