അക്കാപ്പെല്ല അവതരിപ്പിച്ച് കന്യാസ്‌ത്രീമാർ (ETV Bharat)
എറണാകുളം:കോതമംഗലം സിഎംസി പാവനാത്മ പ്രൊവിൻസിലെ സിസ്റ്റേഴ്‌സ് അവതരിപ്പിച്ച അക്കാപെല്ല സാമൂഹമാധ്യമങ്ങളിൽ തരംഗമാകുന്നു. സംഗീത ഉപകരണങ്ങളുടെ സഹായമില്ലാതെ 252 ഓളം ട്രാക്കുകളിലായി വായ, കൈ എന്നിവ ഉപയോഗിച്ചു പുറപ്പെടുവിക്കുന്ന ശബ്‌ദം ഉപയോഗിച്ചുള്ള ഗാനമാണ് അക്കാപ്പെല്ല.
ദ പ്രീസ്റ്റ് എന്ന മലയാളം സിനിമയിലെ നസറേത്തിൻ നാട്ടിലെ എന്ന സൂപ്പർഹിറ്റ് ഗാനമാണ് ഇത്തവണ സിസ്റ്റർമാർ അക്കാപ്പല്ലയ്ക്കായി ചിട്ടപ്പെടുത്തിയിട്ടുള്ളത്. സംഗീത ഉപകരണങ്ങളില്ലാതെയാണെന്ന് തിരിച്ചറിയാൻ സാധിക്കാത്ത രീതിയിലാണ് ഈ ഗാനവും ഇവർ തയ്യാറാക്കിയിരിക്കുന്നത്. മുൻ വർഷങ്ങളിൽ പുറത്തിറക്കിയ ഒന്നും രണ്ടും ഭാഗങ്ങൾ ഹിറ്റായത് പോലെ വോളിയം-മൂന്നും സംഗീതപ്രേമികൾ ഇതിനോടകം ഏറ്റെടുത്തുകഴിഞ്ഞു. റിലീസ് ചെയ്‌ത് ആദ്യ മണിക്കൂറിൽ തന്നെ ആയിരക്കണക്കിന് ആസ്വാദകരാണ് ഈ വ്യത്യസ്‌ത സംഗീത സൃഷ്‌ടിയെ ഏറ്റെടുത്തത്.