ഓടിക്കൊണ്ടിരുന്ന ലോറിക്ക് തീപിടിച്ചു (Source : Etv Bharat Reporter)
തിരുവനന്തപുരം : ഓടിക്കൊണ്ടിരിക്കേ ടോറസ് ലോറിക്ക് തീപിടിച്ചു. പോത്തന്‍കോടിന് സമീപം ഉച്ചയ്ക്ക് പന്ത്രണ്ടരയോടെ ആയിരുന്നു അപകടം. വിഴിഞ്ഞം തുറമുഖ നിര്‍മാണത്തിനായി പാറ കൊണ്ടു പോയി മടങ്ങിയ ടോറസ് ലോറിയാണ് കത്തിയത്. അപകടത്തില്‍ ആളപായമില്ല.
തീ അണയ്ക്കുന്നതിനുള്ള ഫയര്‍ എക്‌സിറ്റിങ്കുഷര്‍ ഡ്രൈവര്‍ എടുത്ത് പ്രയോഗിച്ചെങ്കിലും തീ നിയന്ത്രിക്കാനായില്ല. തീ കണ്ടതോടെ വാഹനമോടിച്ചിരുന്ന അരുണ്‍ വണ്ടി നിര്‍ത്തി ഓടി മാറുകയായിരുന്നു. ഡൈവറുടെ കാബിന്‍ പൂര്‍ണമായി കത്തി നശിച്ചു.