തിരുവനന്തപുരം : മലപ്പുറം പരപ്പനങ്ങാടിയിൽ പ്ലസ് വൺ വിദ്യാർഥിനി ഹാദിറുഷ്‌ദയുടെ മരണം അഡ്‌മിഷൻ തടസം കാരണമല്ലെന്ന് വിദ്യാഭ്യാസ മന്ത്രി വി ശിവൻകുട്ടി നിയമസഭയിൽ. കെ പി എ മജീദ് നൽകിയ സബ്‌മിഷന് മറുപടി പറയുകയായിരുന്നു മന്ത്രി.
ആത്മഹത്യയുടെ കാരണം സംബന്ധിച്ച് പൊലീസിനോട് റിപ്പോർട്ട്‌ തേടിയിട്ടുണ്ട്. അഡ്‌മിഷൻ തടസമില്ലായിരുന്നു എന്നാണ് വ്യക്തമാകുന്നത്. ഈ മാസം അലോട്മെന്‍റ് പൂർത്തിയാകുന്നതിന് മുൻപ് തന്നെ എല്ലാ കുട്ടികൾക്കും പ്രവേശനം നേടാനാകും. പ്ലസ് വൺ അഡ്‌മിഷനുമായി കുട്ടിയുടെ വേർപാടിനെ കൂട്ടിക്കെട്ടേണ്ട കാര്യമില്ല.