കോഴിക്കോട് : താമരശ്ശേരി ചുരത്തിൽ വൻ ലഹരിമരുന്ന് വേട്ട. 194 ഗ്രാം എംഡിഎംഎ പിടികൂടി. ഉത്തരമേഖല എക്സൈസ് കമ്മിഷണർ സ്ക്വാഡിലെ ഇ ഐ ഷിജുമോന് ലഭിച്ച രഹസ്യവിവരത്തിൻ്റെ അടിസ്ഥാനത്തിൽ താമരശ്ശേരി റേഞ്ച് എക്സൈസ് സർക്കിൾ സംഘവും, കമ്മിഷണർ സ്‌ക്വാഡും താമരശ്ശേരി സർക്കിൾ ഇൻസ്പെക്റ്റർ ഇ ജിനീഷിൻ്റെ നേതൃത്വത്തിൽ ഉള്ള സംഘവുമാണ്‌ ഇവരെ പിടികൂടിയത്.
താമരശ്ശേരി ചുരം എട്ടാം വളവിൽ നടത്തിയ പരിശോധനയിലാണ് മയക്കുമരുന്ന് പിടികൂടിയത്. KL 57 X4652 നമ്പര്‍ ഇന്നോവ കാറിൽ കടത്തുകയായിരുന്ന മാരക മയക്കുമരുന്നായ
193.762 ഗ്രാം എംഡിഎംഎയാണ് പിടികൂടിയത്. എംഡിഎംഎ കടത്തിയ ഉണ്ണികുളം എസ്റ്റേറ്റ് മുക്ക് നായാട്ടുകുന്നുമ്മൽ വീട്ടിൽ ഫവാസ് (27) ബാലുശ്ശേരി കാട്ടാംവള്ളി പുള്ളാണിക്കൽ വീട്ടിൽ പി ജാസിൽ (23) എന്നിവരെ അറസ്റ്റ് ചെയ്‌തു.