തിരുവനന്തപുരം: നരുവാമൂട്ടിൽ പ്രവര്‍ത്തിക്കുന്ന ഫർണിച്ചർ ഗോഡൗണിൽ വൻ തീപിടുത്തം. റിട്ട. എസ് ഐ വിജയന്‍റെ ഉടമസ്ഥതയിലുള്ള ഫർണിച്ചർ ഗോഡൗണിലാണ് തീപിടുത്തം ഉണ്ടായത്. ഇന്ന് വൈകിട്ട് 4 മണിയോടെയായിരുന്നു സംഭവം.
ഗോഡൗൺ ഉടമയോ തൊഴിലാളികളോ സ്ഥലത്ത് ഇല്ലാതിരുന്നതിനാൽ വൻ ദുരന്തം ഒഴിവായി. തീപിടുത്തം ഉണ്ടാകാനുള്ള കാരണം വ്യക്തമല്ല. അഞ്ചുമണിക്കൂറോളം സമയം എടുത്തതാണ് തീ നിയന്ത്രണവിധേയമാക്കിയത്. 12 യൂണിറ്റ് ഫയർഫോഴ്‌സ് സ്ഥലത്തെത്തിയിരുന്നു.