ഇടുക്കി: മൂന്നാറിൽ ഓട്ടോ കൂലിയെ ചൊല്ലിയുള്ള തർക്കത്തെ തുടർന്ന് ഓട്ടോ ഡ്രൈവറെ വെട്ടി പരിക്കേൽപ്പിച്ചയാൾ അറസ്റ്റിൽ. മൂന്നാർ രാജീവ് ഗാന്ധി നഗർ സ്വദേശി അരുൺ പാണ്ടിയാണ് മുന്നാർ പൊലിസിന്‍റെ പിടിയിലായത്. മൂന്നാർ നഗർ സ്വദേശിയായ ഓട്ടോ ഡ്രൈവർ രാജയ്ക്കാണ് വെട്ടേറ്റത്.
ശനിയാഴ്‌ച വൈകുന്നേരത്തോടെയാണ് സംഭവം. ടൗണിൽ നിന്ന് രാജയുടെ ഓട്ടോറിക്ഷയിലാണ് പ്രതിയായ അരുൺ പാണ്ടി വീട്ടിലേക്ക് മടങ്ങിയത്. വീടിന് സമീപത്ത് വെച്ച് ഓട്ടോയിൽ നിന്ന് ഇറങ്ങിയ ഇയാളും രാജയും തമ്മിൽ ഓട്ടോ കൂലിയെ ചൊല്ലി വാക്കുതർക്കമുണ്ടായി. ഇതേ തുടർന്ന് വീട്ടിലേക്ക് പോയ പ്രതി ഉടനെ വാക്കത്തിയുമായി തിരികെയെത്തി രാജയെ വെട്ടിപ്പരിക്കേൽപ്പിക്കുകയായിരുന്നു.