ബിനോയ് ഇടിവി ഭാരതിനോട് (ETV Bharat)
ഇടുക്കി: അഞ്ചുരുളിയില്‍ മണ്ണിടിച്ചിലിൽ വ്യാപക നാശനഷ്‌ടം. അഞ്ചുരുളി ഭാസി റോഡിലെ വളവിന് സമീപത്താണ് മണ്ണിടിച്ചിലുണ്ടായത്. ഇന്നലെ (ജൂലൈ 30) രാത്രി 11.30ഓടെയാണ് മണ്ണിടിച്ചിലുണ്ടായത്. റോഡിരികിലെ ഭിത്തി ഇടിഞ്ഞതോടെ മണ്ണും ചെളിയും ഒലിച്ചെത്തുകയായിരുന്നു.
റോഡിന് മറുവശത്തുള്ള കൃഷിയിടം പൂര്‍ണമായും നശിച്ചു. പതിപ്പള്ളിയിൽ ബിനോയിയുടെ കൃഷിയിടമാണ് നശിച്ചത്. ഏലം ഉൾപ്പെടെയുള്ള കൃഷികളാണ് ഒലിച്ചു പോയിരിക്കുന്നത്. മണ്ണിടിഞ്ഞതോടെ അഞ്ചുരുളി കക്കാട്ടുകട റോഡിൽ പൂർണമായും ഗതാഗതം സ്‌തംഭിച്ചു. മണ്ണിടിഞ്ഞതിന് മറുവശത്തുള്ള ജനങ്ങൾ ഒറ്റപ്പെട്ട സാഹചര്യവും ഉണ്ടായി.