സ്റ്റെഫിനെക്കുറിച്ച് വീട്ടുടമയായ സിബി ഇടിവി ഭാരതിനോട് സംസാരിച്ചപ്പോൾ (ETV Bharat)
കോട്ടയം :കുവൈറ്റിൽ തീപിടിത്തത്തിൽ മരിച്ച കോട്ടയം പാമ്പാടി സ്വദേശി സ്റ്റെഫിൻ എബ്രഹാം സാബു (29) വിൻ്റെ വേർപാടിൽ ദുഃഖത്തിലായി നാട്. അടുത്ത മാസം നാട്ടിലേക്ക് വരാനിരിക്കെയാണ് സ്റ്റെഫിൻ്റെ മരണം. വിവാഹം, പുതിയതായി നിർമിച്ച വീടിൻ്റെ ഗൃഹ പ്രവേശം തുടങ്ങിയ ചടങ്ങുകൾ ഓഗസ്റ്റിൽ നടത്താൻ ഇരിക്കവെയാണ് അപ്രതീക്ഷിത വിയോഗം.
പഠനത്തിനു ശേഷം കുവൈറ്റിലെ കമ്പനിയിലേക്ക് ജോലി കിട്ടി പോവുകയായിരുന്നു. ആ കമ്പനിയിലേക്ക് തന്നെ അനുജനെയും കൊണ്ടുപോയി. എന്നാൽ താമസം രണ്ടുപേരും വെവ്വേറേ സ്ഥലങ്ങളിലായിരുന്നു. ഒരുമിച്ച് അവധിക്ക് വരാനായി ടിക്കറ്റ് എടുത്തു വച്ചിരുന്നു.