തൃശൂര്‍ : ദേശീയപാത കുറുമാലിയിൽ കെഎസ്ആർടിസി ബസ് ഇടിച്ച് മാനിന് പരിക്കേറ്റു. ചൊവ്വാഴ്‌ച രാവിലെ പത്തുമണിയോടെയാണ് സംഭവം (KSRTC bus hits Deer). പാതയോരത്തെ ആളൊഴിഞ്ഞ പറമ്പിൽ നിന്നാണ് രണ്ട് വയസ് പ്രായമുള്ള പുള്ളിമാൻ ദേശീയപാതയിലേക്ക് പ്രവേശിച്ചത്. ചാലക്കുടി ഭാഗത്തേക്ക് പോവുകയായിരുന്ന ബസിടിച്ചാണ് മാനിന് പരിക്കേറ്റത്.
കാലിന് പരിക്കേറ്റുകിടന്ന മാനിനെ ബസ് യാത്രക്കാർ ദേശീയപാതയോരത്തേക്ക് മാറ്റുകയായിരുന്നു. എന്നാല്‍ മാൻ തെന്നിവീണു. നാട്ടുകാർ വിവരമറിയിച്ചതിനെ തുടർന്ന് ചാലക്കുടി, പാലപ്പിള്ളി എന്നിവിടങ്ങളിൽ നിന്ന് വനപാലകരെത്തി പരിശോധിച്ചു.