ബിജെപി തകർന്ന് തരിപ്പണമാകും എ.കെ ആന്‍റണി
തിരുവനന്തപുരം: മുതിർന്ന കോൺഗ്രസ് നേതാവ് എകെ ആന്‍റണി വോട്ട് രേഖപ്പെടുത്തി. ഭാര്യയ്‌ക്കും മറ്റ് നേതാക്കൾക്കുമൊപ്പമാണ് അദ്ദേഹം ജഗതി യുപി സ്‌കൂളിൽ വോട്ട് രേഖപ്പെടുത്തിയത്. വോട്ട് രേഖപ്പെടുത്തിയ ശേഷം മാധ്യമങ്ങളെ കണ്ട് സംസാരിച്ച അദ്ദേഹം ബിജെപിയെയും എൽഡിഎഫിനെയും വിമർശിച്ചു.
കേന്ദ്ര - സംസ്ഥാന സർക്കാറുകൾക്കെതിരെ അതിരൂക്ഷമായ ജനരോഷമുണ്ട്. ആ കൊടുങ്കാറ്റിൽ എല്‍ഡിഎഫ്‌ തകരും. ബിജെപി തകർന്ന് തരിപ്പണമാകും.