തിരുവനന്തപുരം: മുഖ്യമന്ത്രി പിണറായി വിജയന്‍ ഇന്ന് (06-05-2024) സ്വകാര്യ സന്ദര്‍ശനത്തിനായി ദുബായിലേക്ക് പുറപ്പെട്ടു. നെടുമ്പാശ്ശേരി വിമാനത്താവളത്തില്‍ നിന്നാണ് ഇന്ന് പുലര്‍ച്ചെ മുഖ്യമന്ത്രി ദുബായിലേക്ക് പുറപ്പെട്ടത്. സ്വകാര്യ സന്ദര്‍ശനത്തിന് മുഖ്യമന്ത്രിയുടെ അപേക്ഷയില്‍ കേന്ദ്ര സര്‍ക്കാര്‍ യാത്രാനുമതി നല്‍കിയിട്ടുണ്ട്.
എത്ര ദിവസത്തേക്കാണ് യാത്രയെന്ന് ഔദ്യോഗിക വിശദീകരണമില്ല. ഔദ്യോഗിക ആവശ്യത്തിന് പോകുമ്പോള്‍ സാധാരണ ഗതിയില്‍ വാര്‍ത്താ കുറിപ്പിലൂടെ വിദേശ സന്ദര്‍ശനത്തിന്‍റെ വിശദാംശങ്ങള്‍ പുറത്ത് വിടാറുണ്ട്. എന്നാല്‍ സ്വകാര്യ സന്ദര്‍ശനമായതിനാല്‍ മറ്റ് വിശദീകരണം മുഖ്യമന്ത്രിയുടെ ഓഫീസില്‍ നിന്നും അറിയിച്ചിട്ടില്ല.