ജോസ് കെ മാണി മാധ്യമങ്ങളോട് (Source: ETV Bharat Reporter)
കോട്ടയം: രാജ്യസഭ സീറ്റ് സംബന്ധിച്ച വിഷയത്തിൽ പരസ്യ ചർച്ചയ്ക്ക് ഇല്ലെന്ന് ജോസ് കെ മാണി. എൽഡിഎഫിൽ ഇക്കാര്യം ചർച്ച ചെയ്യും. വിഷയത്തിൽ വ്യക്തമായ അഭിപ്രായവും ധാരണയും പാർട്ടിക്കുണ്ടെന്നും അദ്ദേഹം പറഞ്ഞു. കോട്ടയത്ത് മാധ്യമങ്ങളോട് സംസാരിക്കുകയായിരുന്നു ജോസ് കെ മാണി.
എൽഡിഎഫിൻ്റെ തുടർഭരണത്തിന് വഴിയൊരുക്കിയത് മാണി ഗ്രൂപ്പിൻ്റെ നിലപാടാണ്. അതിനാൽ ഉചിതമായ തീരുമാനം സിപിഎമ്മും എൽഡിഎഫും എടുക്കുമെന്നും ജോസ് മാധ്യമങ്ങളോട് പറഞ്ഞു. അതേസമയം ഈ കാര്യങ്ങൾ ചർച്ച ചെയ്യുന്നത് എൽഡിഎഫിലാണെന്നും പരസ്യമായി ചർച്ച ചെയ്യേണ്ട വിഷയമല്ലെന്നും അദ്ദേഹം പറഞ്ഞു.