കോഴിക്കോട് :താമരശ്ശേരിയിൽ ജ്വല്ലറിയുടെ ചുമർ തുരന്ന് സ്വർണ്ണം കവർന്നതായി പരാതി (Jewellery Robbery) . താമരശ്ശേരി പൊലീസ് സ്‌റ്റേഷന് സമീപം ദേശീയപാതയോരത്തെ റന ഗോൾഡിലാണ് കവർച്ച നടന്നത്. 40 പവനോളം സ്വർണം മോഷ്‌ടിക്കപ്പെട്ടതായാണ് വിവരം.
കിഴക്കോത്ത് ആവിലോറ സ്വദേശി അബ്‌ദുൽ സലാമിന്‍റെ ഉടമസ്ഥതയിൽ ഉള്ള ജ്വല്ലറിയിലാണ് കവർച്ച നടന്നത്. ജ്വല്ലറി പ്രവർത്തിക്കുന്ന കെട്ടിടത്തിന്‍റെ മുകളിലേക്ക് കയറുന്ന കോണിപ്പടിയുടെ ഷട്ടർ തുറന്ന് ജ്വല്ലറിയുടെ ചുമർ തുരന്നാണ് മോഷ്‌ടാക്കൾ അകത്തേക്ക് പ്രവേശിച്ചത്.