മുല്ലര്‍പ്പെരിയാര്‍ വിഷയത്തില്‍ പ്രതികരിച്ച് ജിന്‍സ് കാരയ്ക്കാട്ട് (ETV Bharat)
ഇടുക്കി: മുല്ലപ്പെരിയാര്‍ അണക്കെട്ട് വിഷയത്തില്‍ കേന്ദ്ര സര്‍ക്കാര്‍ ഇടപെടണമെന്നാവശ്യപ്പെട്ട് ഇടുക്കി രൂപത രംഗത്ത്. വിഷയത്തില്‍ ജനങ്ങള്‍ ആശങ്ക പ്രചരിപ്പിക്കരുതെന്ന് സര്‍ക്കാര്‍ പറയുന്നതില്‍ അര്‍ഥമില്ലെന്ന് രൂപത മീഡിയ കമ്മിഷൻ ഡയറക്‌ടർ ഫാ. ജിൻസ് കാരയ്ക്കാട്ട് പറഞ്ഞു. ആശങ്കകൾ പരിഹരിക്കേണ്ടത് ഭരണകൂടമാണ്.
ഇടുക്കിയിൽ നിന്നും ജയിച്ച് പോയ ജനപ്രതിനിധികൾ ജനങ്ങളുടെ ആകുലത തിരിച്ചറിഞ്ഞ് ഉത്തരവാദിത്ത ബോധത്തോടെ പ്രവർത്തിക്കണം. കേരളത്തിൽ മാറി മാറി വന്ന സർക്കാരുകൾ മുല്ലപ്പെരിയാർ വിഷയത്തിൽ ദുർബല ശക്തിയായി മാറി. തമിഴ്‌നാട് മറ്റെവിടെയെങ്കിലും നിന്ന് വെള്ളം എത്തിക്കാൻ സാധിക്കുമോയെന്ന് പരിശോധിക്കേണ്ടതുണ്ട്.