കോട്ടയത്ത് വീടിന് തീപിടിച്ചു (ETV Bharat)
കോട്ടയം:നീണ്ടൂര്‍ കൈപ്പുഴയില്‍ വീടിന് തീപിടിച്ചു. മേക്കാവ് ദേവീ ക്ഷേത്രത്തിന് സമീപം ചാക്കാപ്പടം തങ്കച്ചന്‍റെ വീടിനാണ് തീപിടിച്ചത്. ഫയര്‍ ഫോഴ്‌സും നാട്ടുകാരും ചേര്‍ന്ന് തീയണച്ചു. ഞായറാഴ്‌ച (ജൂലൈ 7) ഒൻപതരയോടെ തങ്കച്ചനും കുടുംബവും പള്ളിയിൽ പോയിരുന്ന സമയത്താണ് സംഭവം. സമീപത്ത് നിര്‍മ്മാണം നടക്കുന്ന വീട്ടിലെ ജോലിക്കാരാണ് തങ്കച്ചന്‍റെ വീട്ടില്‍ നിന്ന് പുക ഉയരുന്നത് ആദ്യം കണ്ടത്. ഇവര്‍ സമീപവാസികളെ വിവരം അറിയിക്കുകയായിരുന്നു. തുടര്‍ന്ന് നാട്ടുകാര്‍ ചേര്‍ന്ന് തീ അണച്ചു.
വീടിന്‍റെ അടുക്കളയിലാണ് തീപിടിച്ചത്. സംഭവത്തിൽ ഫ്രിഡ്‌ജും, വാഷിങ് മെഷീനും കത്തിനശിച്ചു. അടക്കളയിലെ വയറിങും പൂര്‍ണമായും കത്തി നശിച്ചിട്ടുണ്ട്. വിവരം അറിഞ്ഞ് ഓടിയെത്തിയ സമീപവാസി സന്തോഷ് ആദ്യം തന്നെ വീടിന്‍റെ പുറത്തെ മെയിന്‍ സ്വിച്ച് ഓഫാക്കിയത് മൂലം വലിയ അപകടം ഒഴിവാകുകയായിരുന്നു.