കോട്ടയം :വൈക്കം താലൂക്കാശുപത്രിയിൽ മൊബൈൽ ഫോണിന്‍റെ വെളിച്ചത്തിൽ 11കാരന്‍റെ തലയിൽ തുന്നലിട്ട സംഭവത്തിൽ ആശുപത്രി ജീവനക്കാരനെ സസ്പെൻഡ് ചെയ്‌തു. ആശുപത്രിയിലെ നഴ്‌സിങ് അസിസ്‌റ്റന്‍റ് ബ്രഹ്മമംഗലം വാലേച്ചിറ വിസി ജയനെയാണ് സസ്പെൻഡ് ചെയ്‌തത്. ആരോഗ്യവകുപ്പ് നടത്തിയ അന്വേഷണത്തിന് ശേഷമാണ് നടപടി.
ഡീസൽ ചെലവ് കാരണമാണ് ജനറേറ്റർ പ്രവർത്തിപ്പിക്കാത്തതെന്ന് പറഞ്ഞ് കുട്ടിയുടെ അമ്മയെ ജയൻ തെറ്റിദ്ധരിപ്പിച്ചെന്ന് ഉത്തരവിൽ പറയുന്നു. സ്ഥാപനത്തെ പൊതുസമൂഹത്തിൽ മോശമായി ചിത്രീകരിച്ചെന്നും ഉത്തരവിൽ പറയുന്നു.