തിരുവനന്തപുരം :രണ്ടാം പിണറായി സർക്കാരിന്‍റെ നാലാം വാർഷികം മുഖ്യമന്ത്രി പിണറായി വിജയൻ കേക്ക് മുറിച്ച് ആഘോഷിച്ചു. സെക്രട്ടറിയേറ്റിൽ മുഖ്യമന്ത്രിയുടെ ഓഫീസിലായിരുന്നു ആഘോഷം. ചീഫ് സെക്രട്ടറിയും മുഖ്യമന്ത്രിയുടെ ഓഫീസിലെ ഉദ്യോഗസ്ഥരുടെയും സാന്നിധ്യത്തിൽ മുഖ്യമന്ത്രി പിണറായി വിജയൻ തന്നെയാണ് കേക്ക് മുറിച്ചത്.
മന്ത്രിസഭ യോഗത്തിന് ശേഷമായിരുന്നു ആഘോഷം. 2021 മെയ് 20 നായിരുന്നു രണ്ടാം പിണറായി സർക്കാർ തിരുവനന്തപുരം സെൻട്രൽ സ്‌റ്റേഡിയത്തിൽ നടന്ന ചടങ്ങിൽ സത്യപ്രതിജ്ഞ ചെയ്‌ത് ചുമതലകൾ ഏറ്റെടുക്കുന്നത്. കൊവിഡ് കാലമായതിനാൽ കനത്ത നിയന്ത്രണങ്ങളിൽ 300 ഓളം പേർ മാത്രം പങ്കെടുത്തായിരുന്നു ചടങ്ങ്.