കാസർകോട്:ലൈംഗിക പീഡന പരാതിയെ തുടർന്ന് മുൻ ഡിവൈഎഫ്ഐ നേതാവും അധ്യാപകനുമായ സുജിത് കൊടക്കാടന് ജോലിയിൽ വിലക്ക്. നിർബന്ധിത ദീർഘകാല അവധിയിൽ പോകാൻ ഉദിനൂർ സെൻട്രൽ എയുപി സ്‌കൂൾ മാനേജ്മെൻ്റ് നിർദ്ദേശിക്കുകയായിരുന്നു. സുജിത് കൊടക്കാടിനോട് വിശദീകരണം തേടാനും സ്‌കൂൾ മാനേജ്മെന്‍റ് കമ്മിറ്റി തീരുമാനിച്ചിട്ടുണ്ട്.
രക്ഷിതാക്കളുടെ ആശങ്ക കണക്കിലെടുത്താണ് സ്‌കൂൾ മാനേജ്‌മെന്‍റിന്‍റെ നടപടി. ഡിവൈഎഫ്ഐ തൃക്കരിപ്പൂർ ബ്ലോക്ക് സെക്രട്ടറിയായിരുന്ന ഇയാളെ നേരത്തെ സ്ഥാനത്ത് നിന്ന് നീക്കിയിരുന്നു. സിപിഎം തൃക്കരിപ്പൂർ ഏരിയ കമ്മിറ്റി അംഗമായിരുന്ന സുജിത്തിനെ പാർട്ടി പ്രാഥമിക അംഗത്വത്തിലേക്ക് തരംതാഴ്ത്തുകയും ചെയ്‌തിരുന്നു.