തിരുവനന്തപുരം: തിരുവനന്തപുരം വിമാനത്താവളത്തിൻ്റെ അഞ്ച് കിലോമീറ്റർ പരിധിയിൽ ബലൂണുകൾ, പട്ടങ്ങൾ എന്നിവ പറത്തുന്നതിന് നിരോധനം. ഹൈ റൈസർ ക്രാക്കേഴ്‌സ്, സ്കൈവേർഡ് ലേസർ ബീം ലൈറ്റുകൾ എന്നിവ ഉപയോഗിക്കുന്നതിനും പൊലീസ് വിലക്ക് ഏര്‍പ്പെടുത്തിയിട്ടുണ്ട്. സുരക്ഷ മുന്‍നിര്‍ത്തിയാണ് പൊലീസ് നടപടി.
മേയ് 29 മുതലാണ് തിരുവനന്തപുരം സിറ്റി പൊലീസ് കമ്മീഷണർ നാഗരാജുവിൻ്റെ ഉത്തരവ് പ്രാബല്യത്തിൽ വന്നത്. വിമാനത്താവളത്തിനു ചുറ്റും ബലൂണുകൾ, പട്ടങ്ങൾ, ഹൈ റൈസർ ക്രാക്കേഴ്‌സ് തുടങ്ങിയ ഉപയോഗിക്കുന്നതായി പൊലീസിന് റിപ്പോര്‍ട്ട് ലഭിച്ചിരുന്നു. ഇതിന്‍റെ അടിസ്ഥാനത്തിലാണ് പുതിയ തീരുമാനം.