എറണാകുളം : അച്ഛനും മകനും തൂങ്ങി മരിച്ച നിലയിൽ. കൊച്ചി വരാപ്പുഴ മണ്ണംതുരുത്തിലാണ് മലപ്പുറം സ്വദേശി ഷെരീഫിനെയും നാല് വയസുള്ള മകനെയും മരിച്ച നിലയിൽ കണ്ടെത്തിയത്. ഇവർ വരാപ്പുഴയിൽ വാടകയ്ക്ക് താമസിച്ചു വരികയായിരുന്നു. മകനെ കൊന്ന ശേഷം അച്ഛൻ ആത്മഹത്യ ചെയ്യുക ആയിരുന്നുവെന്നാണ് പൊലീസിൻ്റെ പ്രാഥമിക നിഗമനം.
ഷെരീഫിൻ്റെ ഭാര്യയും മറ്റുമക്കളും മലപ്പുറത്ത് തന്നെയായിരുന്നു. വരാപ്പുഴയിലെ വീട്ടിലുണ്ടായിരുന്ന സഹായിയെ രണ്ട് ദിവസം മുമ്പ് പറഞ്ഞു വിട്ടിരുന്നു. മരണകാരണം വ്യക്തമല്ല.