മദ്യലഹരിയില്‍ ഡ്രൈവിങ്, യുവാവ് ഓടിച്ച കാര്‍ ലോറിയുമായി കൂട്ടിയിടിച്ചു; കേസെടുത്ത് പൊലീസ് - Drunk and Drive Accident Kottayam

കോട്ടയത്ത് മദ്യലഹരിയില്‍ കാര്‍ ഓടിച്ച് അപകടമുണ്ടാക്കിയ യുവാവിനെതിരെ കേസ്.

കോട്ടയം:മദ്യലഹരിയിൽ യുവാവ് ഓടിച്ച കാർ ലോറിയുമായി കൂട്ടിയിടിച്ച് അപകടം. കോട്ടയം എംസി റോഡില്‍ വ്യാഴാഴ്‌ച (18-07-2024) രാത്രി 8 മണിയോടെയാണ് അപകടമുണ്ടായത്. കാറോടിച്ച ചിങ്ങവനം കുഴിമറ്റം സ്വദേശി ജേക്കബ് ജെയിംസിനെതിരെ കേസെടുത്തു.

മദ്യപിച്ച് വാഹനമോടിച്ച് അപകടമുണ്ടാക്കിയതിനാണ് കേസെടുത്തിരിക്കുന്നത്. അപകടത്തിൻ്റെ ദൃശ്യങ്ങളും പൊലീസിന് ലഭിച്ചിട്ടുണ്ട്. അമിത വേഗതയിൽ ദിശ തെറ്റി എതിരെ വന്ന ലോറിയിൽ കാർ ഇടിക്കുകയായിരുന്നു.