കാറിന്‍റെ ഡിക്കിയിലിരുന്ന് വിഡിയോ ചിത്രീകരണം; റാണിപുരത്ത് വിദ്യാർഥികളുടെ അപകടകരമായ ഡ്രൈവിങ്‌ - Dangerous driving in Ranipuram

റാണിപുരത്ത് കാറിന്‍റെ ഡിക്കിയിൽ ഇരുന്ന് വിഡിയോ ചിത്രീകരിച്ച കോളജ് വിദ്യാര്‍ഥികളെയും കാറും രാജപുരം പൊലീസ് കസ്‌റ്റഡിയിലെടുത്തു.

കാസർകോട് : റാണിപുരത്ത് യുവാക്കളുടെ അപകടകരമായ ഡ്രൈവിങ്‌. കാറിന്‍റെ ഡിക്കിയിൽ ഇരുന്ന് വിഡിയോ ചിത്രീകരിച്ചാണ് കോളജ് വിദ്യാര്‍ഥികള്‍ സാഹസിക യാത്ര നടത്തിയത്. സംഭവത്തിൽ രാജപുരം പൊലീസ് കേസെടുത്തു.

അഞ്ച് കോളേജ് വിദ്യാർഥികളെയും കാറും പൊലീസ് കസ്റ്റഡിയിൽ എടുത്തിട്ടുണ്ട്. റാണിപുരം - പനത്തടി റോഡിലാണ് സംഭവം. അതേ സമയം റാണിപുരം വിനോദ സഞ്ചാര മേഖലയിൽ സഞ്ചാരികൾക്ക് നിരോധനം തുടരുകയാണ്. കാട്ടാനകൾ കൂട്ടമായി മലമുകളിൽ എത്തിയത്തോടെയാണ് നിരോധനം ഏർപെടുത്തിയത്.