പത്തനംതിട്ട: തോട്ടപ്പുഴശേരി ഗ്രാമപഞ്ചായത്ത് പ്രസിഡൻ്റ് തെരഞ്ഞെടുപ്പില്‍ സിപിഎം വിമതൻ പഞ്ചായത്ത് പ്രസിഡൻ്റായി തെരഞ്ഞെടുക്കപ്പെട്ടു. ഇന്ന് രാവിലെ നടന്ന തെരഞ്ഞെടുപ്പിൽ വിപ്പ് ലംഘിച്ച്‌ മത്സരിച്ച വിമതനായ ആർ കൃഷ്‌ണകുമാർ ആണ് പ്രസിഡൻ്റായി തെരഞ്ഞെടുക്കപ്പെട്ടത്.
സിപിഎമ്മില്‍ നിന്ന് സസ്പെൻഡ് ചെയ്യപ്പെട്ട നാല് അംഗങ്ങളും മൂന്ന് കോണ്‍ഗ്രസ് അംഗങ്ങളും ഒന്നിച്ചു നിന്നതോടെയാണ് കൃഷ്‌ണകുമാറിന് പ്രസിഡൻ്റ് സ്ഥാനം ലഭിച്ചത്. ഏഴ് വോട്ടുകളാണ് കൃഷ്‌ണകുമാറിന് ലഭിച്ചത്. പ്രസിഡൻറ് തെരഞ്ഞെടുപ്പില്‍ സിപിഎം ജില്ലാ നേതൃത്വം നിർദേശിച്ച സ്ഥാനാർഥിയായ അജിതയാണ് പരാജയപ്പെട്ടത്.