തൃശൂർ:ചാലക്കുടി പുഴയിൽ കുളിക്കാൻ ഇറങ്ങിയ യുവാവ് മുങ്ങി മരിച്ചു. തമിഴ്‌നാട് തെങ്കാശി സ്വദേശി 26 കാരനായ മണികണ്‌ഠനാണ് മരിച്ചത്. ഇന്നലെ വൈകിട്ട് 4 മണിയോടെ ആയിരുന്നു സംഭവം.
ചേനത്തുനാട് കടവിൽ കുളിക്കാൻ ഇറങ്ങിയ മണികണ്‌ഠൻ നീന്തുന്നതിനിടെ മുങ്ങി പോവുകയായിരുന്നു. പുഴയുടെ മറുകരയിൽ ഉണ്ടായിരുന്ന മീൻപിടുത്തക്കാരാണ് മണികണ്‌ഠൻ മുങ്ങി പോകുന്നത് ആദ്യം കണ്ടത്. തുടർന്ന് ഇവർ ചാലക്കുടി ഫയർഫോഴ്‌സിൽ വിവരം അറിയിക്കുകയായിരുന്നു.