കാസർകോട് ഉപ്പളയിൽ ലോറി ബസില്‍ ഇടിച്ചു; 4 പേര്‍ക്ക് പരിക്ക് - Bus and Lorry collided in Kasaragod

കാസര്‍കോട് ബസില്‍ ലോറിയിടിച്ചുണ്ടായ അപകടത്തില്‍ നാല് പേര്‍ക്ക് പരിക്ക്.

കാസർകോട്:ഉപ്പളയിൽ ബസും ലോറിയും കൂട്ടിയിടിച്ച് നാല് യാത്രക്കാർക്ക് പരിക്ക്. ആളെ ഇറക്കാന്‍ നിര്‍ത്തിയ ബസില്‍ എതിര്‍ ദിശയില്‍ നിന്നെത്തിയ ലോറി ഇടിക്കുകയായിരുന്നു. മറ്റൊരു ബസിനെ മറികടക്കാന്‍ ശ്രമിക്കവെയാണ് ലോറി നിര്‍ത്തിയ ബസിന്‍റെ മുന്‍ വശത്തേക്ക് ഇടിച്ച് കയറിയത്.

ഇന്ന് രാവിലെയായിരുന്നു അപകടം. പരുക്കേറ്റവരെ വിവിധ ആശുപത്രികളിൽ പ്രവേശിപ്പിച്ചു. അപകടത്തിൽ ബസിൻ്റെയും ലോറിയുടെയും മുൻ ഭാഗം പൂർണമായും തകർന്നു.