കോഴിക്കോട്ടെ ബസ് അപകടം (ETV Bharat)
കോഴിക്കോട് :കൊടുവള്ളിയില്‍ നിയന്ത്രണം വിട്ട ബസ് കടയിലേക്ക് ഇടിച്ചുകയറി നിരവധി പേര്‍ക്ക് പരിക്ക്. ബസിലുണ്ടായിരുന്ന യാത്രക്കാര്‍ക്കും റോഡരികിലുണ്ടായിരുന്നവര്‍ക്കുമാണ് പരിക്കേറ്റത്. ബെംഗളൂരുവില്‍ നിന്നും കോഴിക്കോടേക്ക് വരികയായിരുന്ന സ്ലീപ്പര്‍ ബസാണ് അപകടത്തില്‍പ്പെട്ടത്.
ഇന്ന് (മെയ്‌ 25) രാവിലെ 7.15ന് മദ്രസ ബസാര്‍ വളവിലായിരുന്നു സംഭവം. അമിത വേഗത്തിലെത്തിയ ബസ് വളവ് തിരിയുന്നതിനിടെ നിയന്ത്രണം വിട്ട് കടയിലേക്ക് ഇടിച്ച് കയറുകയായിരുന്നു. കടയിലേക്ക് പാഞ്ഞുകയറുന്നതിനിടെയാണ് റോഡരികിലുണ്ടായിരുന്നവരെ ഇടിച്ചിട്ടത്.