ബിനോയുടെ കുടുംബം പ്രതികരിക്കുന്നു (ETV Bharat)
തൃശൂർ : കുവൈറ്റ് തീപിടിത്തത്തിൽ തൃശൂർ സ്വദേശി മരണപ്പെട്ടു. ചാവക്കാട് തെക്കൻ പാലയൂർ സ്വദേശി ബിനോയ് തോമസാണ് മരിച്ചത്. അഞ്ച് ദിവസം മുമ്പാണ് ബിനോയ് കുവൈറ്റിലെത്തിയത്. അപകടം നടന്നതിന് ശേഷം ബിനോയിയെക്കുറിച്ച് വിവരങ്ങളൊന്നും ലഭിക്കാത്തതിനാൽ കുടുംബം പരാതിയുമായി രംഗത്തെത്തിയിരുന്നു.
കുവൈറ്റ് ദുരന്തത്തിന് പിന്നാലെ ബിനോയിയെ കാണാനില്ലെന്ന കുടുംബത്തിന്‍റെ പരാതി പ്രവാസി ക്ഷേമനിധി ബോർഡ് ചെയർമാൻ കെ വി അബ്‌ദുല്‍ ഖാദറാണ് വെളിപ്പെടുത്തിയത്. ബിനോയ് തീപിടിത്തം നടന്ന ഫ്ലാറ്റിലുണ്ടായിരുന്നു എന്നായിരുന്നു സംശയം. തീപിടിത്തം നടന്ന ദിവസം രാവിലെ 2 മണി വരെ ഇദ്ദേഹം ഓൺലൈനിലുണ്ടായിരുന്നു എന്ന് വീട്ടുകാരും അറിയിച്ചിരുന്നു.