വയനാട്ടില്‍ രക്ഷാപ്രവര്‍ത്തനം നടത്തുന്ന സൈന്യം (ETV Bharat)
വയനാട് : ഉരുള്‍പൊട്ടലുണ്ടായ ചൂരല്‍മലയില്‍ മൂന്നാം ദിനവും സൈന്യത്തിന്‍റെ രക്ഷാപ്രവര്‍ത്തനം പുരോഗമിക്കുകയാണ്. ബെയ്‌ലി പാല നിര്‍മാണത്തിനൊപ്പമാണ് ദുരന്ത ഭൂമിയില്‍ കുടുങ്ങിയവരെ കണ്ടെത്താനുള്ള ശ്രമങ്ങളും ഇന്ത്യൻ സേന നടത്തുന്നത്. ഇന്ന് പുലര്‍ച്ചയോടെ തുടങ്ങിയ തെരച്ചിലില്‍ ഏഴ് മൃതദേഹങ്ങള്‍ മേഖലയില്‍ നിന്നും സൈന്യം കണ്ടെത്തിയിട്ടുണ്ട്.
ഹൃദയം നുറുങ്ങുന്ന കാഴ്‌ചകളാണ് പ്രദേശത്ത് എങ്ങും. ചെളി മൂടിക്കിടക്കുന്ന വീടുകള്‍ക്കുള്ളില്‍ മൃതദേഹങ്ങള്‍ ഉണ്ടോ എന്ന് കണ്ടെത്താൻ പ്രത്യേകം പരിശീലനം ലഭിച്ച സ്‌നിഫര്‍ നായകളുടെ സഹായവും സേന പ്രയോജനപ്പെടുത്തുന്നുണ്ട്. ചെളി നിറഞ്ഞ വീടുകള്‍ക്കുള്ളില്‍ ജീവന്‍റെ തുടിപ്പുകളുണ്ടോ എന്നാണ് സൈന്യം പ്രധാനമായും തെരയുന്നത്.