നെയ്‌റോബി (ഉഗാണ്ട): കാമുകന്‍ പെട്രോളൊഴിച്ച് തീ കൊളുത്തിയ ഉഗാണ്ടന്‍ ഒളിമ്പിക്സ് താരം റെബേക്ക ചെപ്‌റ്റെഗെ ചികിത്സയിലിരിക്കെ മരിച്ചു. 33 വയസുള്ള താരം പാരീസ് ഒളിമ്പിക്സ് മാരത്തണലില്‍ മത്സരിച്ചെങ്കിലും മെഡലുകളൊന്നും നേടാനായില്ല. 44ാം സ്ഥാനത്തായിരുന്നു താരം ഫിനീഷ് ചെയ്‌തത്.
കാമുകന്‍റെ ആക്രമണത്തില്‍ ശരീരത്തിന്‍റെ 80 ശതമാനവും പൊള്ളലേറ്റ റബേക്കയുടെ മരണവാർത്ത ഇന്നലെ ആശുപത്രി അധികൃതർ സ്ഥിരീകരിച്ചു. കഴിഞ്ഞ തിങ്കളാഴ്‌ചയുണ്ടായ തർക്കത്തിനൊടുവിൽ കാമുകന്‍ ഡിക്‌സൺ എന്‍ഡിമ പെട്രോൾ ഒഴിച്ചതാണ് മരണകാരണമെന്ന് പോലീസ് പറഞ്ഞു. സംഭവത്തിനിടെ 30 ശതമാനം പൊള്ളലേറ്റ എന്‍ഡിമ ചികിത്സയിലാണ്. ഇയാള്‍ സുഖം പ്രാപിച്ച് വരുന്നതായി ആശുപത്രി അധികൃതര്‍ അറിയിച്ചു.