പാരീസ്: പാരാലിമ്പിക്‌സിൽ വനിതകളുടെ 100 മീറ്ററില്‍ ഇന്ത്യയുടെ പ്രീതി പാലിന് വെങ്കലം. ടി 35 വിഭാഗത്തില്‍ പ്രീതി 14.21 സെക്കൻഡ് വ്യക്തിഗത സമയത്തോടെയാണ് മെഡൽ സ്വന്തമാക്കിയത്. ചൈനീസ് താരം ഷൗ സിയ (13.58 സെക്കൻഡ്), ഗുവോ ക്വിയാൻക്യാൻ (13.74 സെക്കൻഡ്) എന്നിവർ യഥാക്രമം സ്വർണവും വെള്ളിയും നേടി.
ലോക പാരാ അത്‌ലറ്റിക്‌സ് ചാമ്പ്യൻഷിപ്പ് (2024), ഇന്ത്യൻ ഓപ്പൺ പാരാ അത്‌ലറ്റിക്‌സ് ഇന്‍റര്‍നാഷണൽ ചാമ്പ്യൻഷിപ്പ് (2024) എന്നിവയില്‍ പ്രീതി രണ്ട് സ്വർണവും ദേശീയ പാരാ അത്‌ലറ്റിക്‌സ് ചാമ്പ്യൻഷിപ്പിൽ (2024) രണ്ട് വെങ്കല മെഡലുകളും നേടിയിട്ടുണ്ട്.