ബീജിങ് (ചൈന): ഏഷ്യൻ ചാമ്പ്യൻസ് ട്രോഫി ഹോക്കിയില്‍ പാകിസ്ഥാനെയും മലര്‍ത്തിയടിച്ച് ഇന്ത്യന്‍ ടീം. ഒന്നിനെതിരെ രണ്ട് ഗോളുകള്‍ക്കാണ് പാകിസ്ഥാനെ ഇന്ത്യ കീഴടക്കിയത്. ചാമ്പ്യന്‍സ് ട്രോഫിയില്‍ നിലവിലെ ചാമ്പ്യന്മാരാണ് ഇന്ത്യ.
ഹർമൻപ്രീത് സിങ്ങാണ് ഇന്ത്യയ്ക്ക് വേണ്ടി ഗോളുകള്‍ നേടിയത്. 13-ാം മിനിട്ടിലും 19-ാം മിനിട്ടിലുമാണ് ഇന്ത്യയുടെ ഗോള്‍. പാകിസ്‌താന് വേണ്ടി ഹനാൻ ഷാഹിദ് ഗോള്‍ നേടി. എട്ടാം മിനിട്ടിലായിരുന്നു പാകിസ്ഥാന്‍റെ ഗോള്‍. ഗ്രൂപ്പ് ഘട്ടത്തില്‍ അഞ്ച് മത്സരങ്ങളും ജയിച്ചാണ് ഇന്ത്യ സെമിയില്‍ പ്രവേശിച്ചിരിക്കുന്നത്. പരാജയമറിയാതെ അവസാന നാലിലെത്തിയ ഏക ടീമും ഇന്ത്യയാണ്.