ഹരാരെ: സിംബാബ്‌വേയുമായുള്ള പരമ്പരയിലെ ആദ്യ മത്സരത്തില്‍ നേരിട്ട കനത്ത തോല്‍വിക്ക് പകരം വീട്ടി ഇന്ത്യ. പരമ്പരയിലെ രണ്ടാം മത്സരത്തില്‍ തകര്‍പ്പന്‍ വിജയമാണ് ഇന്ത്യ നേടിയത്. അഭിഷേക് ശര്‍മയാണ് ഇന്ത്യക്ക് വേണ്ടി സ്‌കോര്‍ അടിച്ചുകൂട്ടിയത്. സെഞ്ചുറിയോടെയാണ് അഭിഷേക് ശര്‍മ ക്രീസില്‍ നിന്ന് മടങ്ങിയത്.
ടോസ് നേടിയ ഇന്ത്യ ബാറ്റിങ് തെരഞ്ഞെടുക്കുകയായിരുന്നു. നിശ്ചിത 20 ഓവറില്‍ രണ്ട് വിക്കറ്റ് നഷ്‌ടത്തില്‍ ഇന്ത്യ 234 റണ്‍സെടുത്തു. മറുപടി ബാറ്റിങ്ങിനിറങ്ങിയ സിംബാബ്‌വെ 18.4 ഓവറില്‍ 134 റണ്‍സിന് ഓള്‍ ഔട്ടായി. ഇന്ത്യക്ക് വേണ്ടി റിങ്കു സിങ്, ഋതുരാജ് ഗെയ്ക്ക്‌വാദ് എന്നിവരും സ്‌കോര്‍ ഉയര്‍ത്തി. ആവേശ് ഖാന്‍ സിംബാബ്‌വെയുടെ മൂന്ന് വിക്കറ്റും വീഴ്ത്തി.