ന്യൂഡല്‍ഹി :ഫിഫ ലോകകപ്പ് യോഗ്യത റൗണ്ടില്‍ കുവൈത്തിനെതിരായ മത്സരത്തിനുള്ള ഇന്ത്യയുടെ 27 അംഗ സ്ക്വാഡിനെ പ്രഖ്യാപിച്ചു. സുനില്‍ ഛേത്രിയുടെ അവസാന അന്താരാഷ്‌ട്ര മത്സരം കൂടിയായ പോരാട്ടത്തില്‍ മലയാളി താരം സഹല്‍ അബ്‌ദുല്‍ സമദ് ഉള്‍പ്പടെയുള്ള പ്രമുഖര്‍ ഇന്ത്യയ്‌ക്കായി കളത്തിലിറങ്ങും. ജൂണ്‍ ആറിന് കൊല്‍ക്കത്തയിലാണ് മത്സരം.
ഭുവനേശ്വറിലെ ക്യാമ്പില്‍ ഉണ്ടായിരുന്ന 32 പേരില്‍ നിന്നാണ് 27 അംഗ സ്ക്വാഡിനെ തെരഞ്ഞെടുത്തത്. ഫുർബ ലചെൻപ, പാർഥിബ് ഗൊഗോയ്, ഇമ്രാൻ ഖാൻ, മുഹമ്മദ് ഹമ്മദ്, ജിതിൻ എംഎസ് എന്നിവരെയാണ് ഒഴിവാക്കിയത്. ഇതില്‍ ജിതിൻ, പാര്‍ഥിബ് എന്നിവര്‍ക്ക് പരിക്കിനെ തുടര്‍ന്ന് വിശ്രമം അനുവദിച്ചിരിക്കുകയാണെന്ന് പരിശീലകൻ ഇഗാര്‍ സ്റ്റിമാച്ച് അറിയിച്ചു. നിലവില്‍ സ്ക്വാഡില്‍ ഉള്ള താരങ്ങള്‍ മെയ് 29 വരെ ഭുവനേശ്വറില്‍ പരിശീലനം നടത്തിയ ശേഷമാകും കൊല്‍ക്കത്തയിലേക്ക് പോകുക.
ലോകകപ്പ് യോഗ്യത റൗണ്ടിലെ നാല് മത്സരങ്ങളില്‍ നാല് പോയിന്‍റുള്ള ഇന്ത്യ നിലവില്‍ ഗ്രൂപ്പിലെ രണ്ടാം സ്ഥാനക്കാരാണ്. ഗ്രൂപ്പിലെ ആദ്യ രണ്ട് സ്ഥാനക്കാരാണ് യോഗ്യത മത്സരങ്ങളുടെ മൂന്നാം റൗണ്ടിലേക്ക് മുന്നേറുക. കൂടാതെ, സൗദി അറേബ്യ ആതിഥേയത്വം വഹിക്കുന്ന 2027ലെ എഎഫ്‌സി ഏഷ്യൻ കപ്പിലും അവര്‍ക്ക് യോഗ്യത ലഭിക്കും.
ഇന്ത്യ സ്ക്വാഡ്