ന്യൂഡൽഹി:പാരീസ് ഒളിമ്പിക്‌സിലെ മെഡല്‍ നേട്ടത്തിന് ശേഷം ഇന്ത്യൻ ഹോക്കി ടീം കളത്തിലിറങ്ങുന്നു. സെപ്തംബർ 8 മുതൽ 17 വരെ ചൈനയിലെ ഹുലുൻബുയറിൽ നടക്കുന്ന ഏഷ്യൻ ചാമ്പ്യൻസ് ട്രോഫിക്കുള്ള 18 അംഗ ടീമിനെ ഹോക്കി ഇന്ത്യ പ്രഖ്യാപിച്ചു. ഒളിമ്പിക്‌സിലെ ചാമ്പ്യൻ ടീമിന്‍റെ കമാൻഡ് ഹർമൻപ്രീത് സിങ്ങിന്‍റെ കൈകളിലായിരിക്കും. പരിചയ സമ്പന്നനായ മിഡ്ഫീൽഡർ വിവേക് സാഗർ പ്രസാദ് വൈസ് ക്യാപ്റ്റനായി ടീമിൽ കളിക്കും.
ടൂർണമെന്‍റില്‍ ഏഷ്യയിലെ 7 രാജ്യങ്ങൾ പങ്കെടുക്കും. ഇന്ത്യ മുൻനിര ഹോക്കി കളിക്കുന്ന രാജ്യങ്ങളായ കൊറിയ, മലേഷ്യ, പാകിസ്ഥാൻ, ജപ്പാൻ, ചൈന എന്നിവരുമായി കിരീടത്തിനായി മത്സരിക്കും. പിആർ ശ്രീജേഷിന്‍റെ വിരമിക്കലിന് ശേഷം താരത്തിന് പകരം കൃഷ്‌ണ ബഹദൂർ പഥക്, സൂരജ് കർക്കേര എന്നിവർ ഗോൾകീപ്പർമാരാകും, ജർമൻപ്രീത് സിംഗ്, അമിത് രോഹിദാസ്, ഹർമൻപ്രീത് സിംഗ്, ജുഗ്‌രാജ് സിംഗ്, സഞ്ജയ്, സുമിത് എന്നിവർ പ്രതിരോധത്തിൽ കളിക്കും.
രാജ് കുമാർ പാൽ, നീലകണ്ഠ ശർമ, മൻപ്രീത് സിങ്, മുഹമ്മദ് റഹീൽ എന്നിവർ മധ്യനിരയുടെ ഭാഗമാകും. അഭിഷേക്, സുഖ്‌ജിത് സിങ്, അരിജിത് സിങ് ഹുണ്ടൽ, ഉത്തം സിങ്, അരങ്ങേറ്റക്കാരൻ ഗുർജോത് സിങ് തുടങ്ങിയ യുവ മുന്നേറ്റ നിര എതിർ ടീമിന്‍റെ ഗോളുകൾ രക്ഷിക്കാനുള്ള ഉത്തരവാദിത്തം ഏറ്റെടുക്കും. പാരീസില്‍ വെങ്കല മെഡൽ നേടിയ പത്ത് താരങ്ങള്‍ ഈ ടീമിന്‍റെ ഭാഗമാണ്. ഹാർദിക് സിങ്, മൻദീപ് സിങ്, ലളിത് ഉപാധ്യായ, ഷംഷേർ സിങ്, ഗുർജന്ത് സിങ് എന്നിവരുൾപ്പെടെ അഞ്ച് താരങ്ങൾക്ക് വിശ്രമം അനുവദിച്ചിട്ടുണ്ട്.
സെപ്തംബർ 8 ന് ചൈനയ്‌ക്കെതിരേയാണ് ഇന്ത്യയുടെ ആദ്യ മത്സരം. തുടർന്ന് സെപ്റ്റംബർ 9 ന് ജപ്പാനെതിരേയും സെപ്റ്റംബർ 11ന് മലേഷ്യയെയും 12ന് കൊറിയയെയും നേരിടും. ഒരു ദിവസത്തെ ഇടവേളയ്ക്ക് ശേഷം സെപ്തംബർ 14 ന് ഇന്ത്യ പാകിസ്ഥാനെ നേരിടും, സെമി ഫൈനലും ഫൈനലും യഥാക്രമം സെപ്റ്റംബർ 16, 17 തീയതികളിൽ നടക്കും.
Also Read:ഐസിസി ചെയര്‍മാന്‍ ജയ്‌ ഷായുടെ പ്രതിമാസ ശമ്പളം എത്ര ? എന്തൊക്കെ ആനുകൂല്യങ്ങള്‍ ലഭിക്കും? - ICC Chairman Jai Shah
