ഹൈദരാബാദ്:തന്‍റെ യൂട്യൂബ് ചാനലിൽ നിരവധി ഫോളോവേഴ്‌സിനെ നേടിയതിന് പിന്നാലെ പുതിയ അതിഥിയുമായി ക്രിസ്റ്റ്യാനോ റൊണാൾഡോ വീണ്ടും തരംഗം സൃഷ്ടിക്കാൻ ഒരുങ്ങുന്നു. ഇന്‍റര്‍നെറ്റിന്‍റെ അതിർവരമ്പുകൾ തകർക്കാന്‍ കഴിയുന്ന അതിഥിയെത്തുമെന്ന് കഴിഞ്ഞ ദിവസം ക്രിസ്റ്റ്യാനോ അനൗൺസ് ചെയ്‌തിരുന്നു. ഇതോടെ തരംഗമാകാൻ പോകുന്ന റൊണാൾഡോയുടെ അതിഥി അര്‍ജന്‍റീന സൂപ്പര്‍ താരം മെസിയാണോയെന്ന ചർച്ചയിലാണ് കായിക ലോകം.
ക്രിസ്റ്റ്യാനോയുടെ സമീപകാല വീഡിയോകളിലൊന്നിൽ മുൻ സഹതാരം മാഞ്ചസ്റ്റർ യുണൈറ്റഡിന്‍റെ റിയോ ഫെർഡിനാൻസും പ്രത്യക്ഷപ്പെട്ടിരുന്നു. ആരാണ് വീഡിയോയില്‍ വരുന്നത് എന്നറിയാന്‍ ഫെർഡിനാൻഡിന് ആകാംക്ഷയുണ്ട്. കായിക താരമോ ഗായകനോ ആരാണ് ആ അതിഥി എന്നറിയാനുള്ള ആഗ്രഹം ഫെർഡിനാൻഡ് പങ്കുവയ്ക്കുന്നുണ്ട്.
പുതിയ അതിഥിയെ ഊഹിക്കാൻ ഫെർഡിനാൻഡ് വ്യത്യസ്തമായ ചോദ്യങ്ങൾ ചോദിച്ചെങ്കിലും അതിന് കഴിഞ്ഞില്ല. തന്‍റെ യൂട്യൂബ് ചാനലിൽ പുതിയ അതിഥി എത്തുമ്പോൾ ഇന്‍റർനെറ്റ് തീ പടരുമെന്ന് റൊണാൾഡോ സംഭാഷണത്തിനൊടുവിൽ കൂട്ടിച്ചേർത്തു. പിന്നാലെ പുതിയ അതിഥി ആരായിരിക്കുമെന്ന് ആരാധകരും സോഷ്യൽ മീഡിയ ഉപയോക്താക്കളും വ്യത്യസ്‌ത പേരുകളുമായി രംഗത്തെത്തി.