വിജയ് നായകനായ 'ദി ഗ്രേറ്റസ്‌റ്റ് ഓഫ് ദി ഓള്‍ ടൈം' ഒടിടിയിലേക്ക്. നെറ്റ്ഫ്ളിക്‌സിലൂടെയാണ് 'ഗോട്ട്' പ്രദര്‍ശനത്തിന് എത്തുക. ഒക്‌ടോബര്‍ മൂന്നു മുതല്‍ പ്രേക്ഷകര്‍ക്ക് ഈ ചിത്രം കാണാന്‍ സാധിക്കും.
തിയേറ്ററില്‍ ഒരു മാസം തികയ്‌ക്കും മുന്‍പാണ് ചിത്രം ഒടിടിയിലേക്ക് എത്തുന്നത്. തമിഴ്, തെലുങ്ക്, മലയാളം, ഹിന്ദി എന്നീ ഭാഷകളിലാണ് ചിത്രം നെറ്റ്ഫ്ലിക്‌സില്‍ എത്തുക. വെങ്കിട്ട് പ്രഭു സംവിധാനം ചെയ്‌ത ഈ ചിത്രത്തില്‍ വിജയ് ഇരട്ട വേഷത്തിലാണ് എത്തുന്നത്. സെപ്റ്റംബര്‍ അഞ്ചിനാണ് ചിത്രം തിയേറ്ററുകളില്‍ എത്തിയത്.
ചിത്രം ബോക്‌സ് ഓഫീസില്‍ വന്‍ മുന്നേറ്റമാണ് നടത്തിയത്. 400 കോടി രൂപയാണ് ആഗോള തലത്തില്‍ ചിത്രം നേടിയത്. സര്‍ക്കാര്‍, മെര്‍സല്‍, ലിയോ, ബീസ്‌റ്റ് എന്നീ സിനിമകള്‍ക്ക് ശേഷം നെറ്റ്ഫ്ളിക്‌സില്‍ പ്രദര്‍ശനത്തിന് എത്തുന്ന വിജയ് ചിത്രമാണ് 'ദി ഗോട്ട്'.
ഇടിവി ഭാരത് കേരളം ഇനി വാട്‌സ്‌ആപ്പിലും