ബെംഗളൂരു : കന്നഡ ചലച്ചിത്ര താരം പവിത്ര ഗൗഡ പൊലീസ് കസ്റ്റഡിയിൽ. കൊലപാതക കേസില്‍ നടനും സുഹൃത്തുമായ ദർശൻ തൂഗുദീപയെ അറസ്റ്റ് ചെയ്‌തതിന് പിന്നാലെയാണ് പവിത്രയെയും കസ്റ്റഡിയിലെടുത്തിരിക്കുന്നത്. രേണുക സ്വാമി (33) എന്നയാളുടെ മരണവുമായി ബന്ധപ്പെട്ട കേസിലാണ് ദർശനെ ബെംഗളൂരു പൊലീസ് ഇന്ന് (ജൂൺ 11) അറസ്റ്റ് ചെയ്‌തത്.
പവിത്ര ഗൗഡയ്‌ക്ക് സമൂഹമാധ്യമങ്ങളിലൂടെ അശ്ലീല സന്ദേശം അയച്ചുവെന്നതിന്‍റെ പേരിലാണ് കൊലപാതകം എന്നാണ് പുറത്തുവരുന്ന വിവരം. കസ്റ്റഡിയിലെടുത്ത നടിയെ പൊലീസ് ചോദ്യം ചെയ്യും. കഴിഞ്ഞ ദിവസമാണ് രേണുക സ്വാമിയെ സോമനഹള്ളിയില്‍ ഓടയില്‍ മരിച്ച നിലയില്‍ കണ്ടെത്തിയത്.