എറണാകുളം:എംടി വാസുദേവന്‍ നായരുടെ ജന്മദിനാഘോഷ വേദിയില്‍ നടൻ ആസിഫ് അലിയെ അപമാനിച്ചെന്ന് ആരോപിച്ച് സംഗീതസംവിധായകൻ പണ്ഡിറ്റ് രമേശ് നാരായണനെതിരെ സാമൂഹ്യമാധ്യമങ്ങളില്‍ കനത്ത വിമര്‍ശനം. എംടിയുടെ ഒമ്പത് കഥകളെ ആസ്പദമാക്കിയെത്തുന്ന 'മനോരഥങ്ങള്‍' എന്ന ആന്തോളജി സീരീസിന്‍റെ ട്രെയിലര്‍ ലോഞ്ചിനിടെയാണ് വിവാദ സംഭവം അരങ്ങേറിയത്.
പരിപാടിയുടെ ഭാഗമായ രമേശ് നാരായണന് പുരസ്‌കാരം നല്‍കാന്‍ ആസിഫ് അലിയെയായിരുന്നു സംഘാടകർ ക്ഷണിച്ചത്. എന്നാല്‍ താരത്തില്‍ നിന്നും പുരസ്‌കാരം സ്വീകരിക്കാന്‍ രമേശ് നാരായണന് തയ്യാറായില്ല. പകരം സംവിധായകന്‍ ജയരാജിനെ വിളിച്ച് വരുത്തി പുരസ്‌കാരം സ്വീകരിക്കുകയും ചെയ്‌തു.