ബിനു പപ്പു, സംവിധായകൻ രഞ്ജിത്ത്, ക്വീൻ ധ്രുവൻ , തമിഴ് താരം കൈതി ദീന എന്നിവരെ പ്രധാന കഥാപാത്രങ്ങളാക്കി പുതുമുഖം എസ് എ ജോണി സംവിധാനം ചെയ്യുന്ന ചിത്രമാണ് ശ്രീ ഗരുഡ കൽപ്പ. പൊറിഞ്ചു മറിയം ജോസ് എന്ന ഹിറ്റ് ചിത്രത്തിനു ശേഷം കീർത്തന മൂവീസിന്‍റെ ബാനറില്‍ റെജി മോൻ, വിംങ്സ് എന്റർടെയ്ൻമെന്‍റ്സിന്‍റെ സഹകരണത്തോടെ സനൽ കുമാർ ഭാസ്‌കരന്‍ എന്നിവർ ചേർന്ന്‌ നിർമ്മിക്കുന്ന ഗരുഡകല്‍പ്പ പൂര്‍ത്തിയായി.ഫെമിന ജോർജ്ജ് ആണ് നായിക.
നായകൻ ബിനു പപ്പുവും പുതുമുഖം ജയേഷിനുമൊപ്പം ഒരുലക്ഷം ജൂനിയർ ആർട്ടിസ്റ്റുകൾ ഒന്നിക്കുന്ന പ്രധാന സീനുകൾ ആണ് രണ്ടാം ഷെഡ്യൂളിൽ ഒറ്റപ്പാലത്തു പൂർത്തിയായത്. നിർമാതാക്കളായ റെജിമോനും സനൽകുമാറും ഒരുലക്ഷം ജൂനിയർ ആർട്ടിസ്‌റ്റുകളെ എത്തിച്ചു രണ്ടു ദിവസം കൊണ്ടാണ് സിനിമയുടെ പ്രധാന ഭാഗങ്ങൾ ഷൂട്ട് ചെയ്യാൻ ഒറ്റപ്പാലത്തു മുപ്പത്തിയഞ്ച് ഏക്കറിനുള്ളിൽ സ്ഥിതി ചെയ്യുന്ന ഒരു കാവിന്‍റെ പരിസരത്തു ഒരുക്കിയത് .
ആദ്യ പ്രസാദ്, രേണു സൗന്ദർ, പത്മ ഗോപിക, കുടശ്ശനാട്‌ കനകം, ഹാഷിർ രമേശ് മകയിരം, നസീർ സംക്രാന്തി, മിനി അരുൺ, രാമചന്ദ്രൻ നായർ, ജയകുമാർ പിള്ള, സഞ്ജു മധു, മുഹമ്മദ് സൽമാൻ , ഷഹനാസ് ഇല്ലിയാസ്, സാജു കൊടിയൻ, ഭൃഗു മോഹൻ, ഹരി മധു ,രാജേഷ്ബി, കൃഷ്‌ണ ദാസ് എന്നിവരാണ് മറ്റു പ്രമുഖ താരങ്ങൾ.
കേരളം ഇനി വാട്‌സ്‌ആപ്പിലും