ന്യൂഡൽഹി: സിബിഎസ്ഇ പത്താം ക്ലാസ്, പ്ലസ് ടു ഫലങ്ങള്‍ മെയ് 20ന് ശേഷം പ്രസിദ്ധീകരിക്കുമെന്ന് സിബിഎസ്‌സി പരീക്ഷ ബോർഡ് അറിയിച്ചു. ഫലം പ്രസിദ്ധീകരിക്കുന്നത് സംബന്ധിച്ച് ആധികാരികമല്ലാത്ത വാർത്തകൾ പ്രചരിച്ച സാഹചര്യത്തിലാണ് ഔദ്യോഗിക അറിയിപ്പ്.
ഫെബ്രുവരി, ഏപ്രിൽ മാസങ്ങളിലായിരുന്നു പത്താം ക്ലാസ്, പ്ലസ് ടു പരീക്ഷകൾ നടന്നത്. 39 ലക്ഷത്തോളം വിദ്യാര്‍ഥികളാണ് ഈ വര്‍ഷം സിബിഎസ്ഇ ബോര്‍ഡ് പരീക്ഷയെഴുതിയത്. കഴിഞ്ഞ വര്‍ഷം മെയ് 12നായിരുന്നു ഫലപ്രഖ്യാപനം.