സംസ്ഥാനത്തെ പച്ചക്കറി വിലയില്‍ നേരിയ ഏറ്റക്കുറച്ചിലുകള്‍. വിപണിയില്‍ വില കുറവുള്ള തക്കാളി, സവാള എന്നിവയുടെ വിലയില്‍ നേരിയ ചാഞ്ചാട്ടമുണ്ടായിട്ടുണ്ട്. കഴിഞ്ഞ ദിവസം കോഴിക്കോട് കിലോയ്‌ക്ക് 38 രൂപയായിരുന്ന തക്കാളിക്ക് ഇന്ന് 44 രൂപയാണ് വില. അതേസമയം സവാള വിലയില്‍ അല്‍പം കുറവുണ്ടായിട്ടുണ്ട്. കഴിഞ്ഞ ദിവസം 60 രൂപയായിരുന്ന സവാളയ്‌ക്ക് ഇന്ന് 55 രൂപയാണ് കോഴിക്കോട്ടെ വില. അതേസമയം കാസര്‍കോട് തക്കാളിക്ക് 2 രൂപ കുറയുകയും സവാളയ്‌ക്ക് 1 രൂപ വര്‍ധനവുണ്ടാകുകയുമാണ് ചെയ്‌തിട്ടുണ്ട്. എന്നാല്‍ കണ്ണൂരില്‍ തക്കാളി വിലയില്‍ മാറ്റമില്ല. സവാളയ്‌ക്ക് ഒരു രൂപ കുറഞ്ഞിട്ടുണ്ട് . ഇന്ന് ഒരു കിലോ സവാളയ്‌ക്ക് 57 രൂപയാണ് കണ്ണൂരിലെ വില. ഇഞ്ചി, ചെറുനാരങ്ങ, മുരിങ്ങ എന്നിവയ്‌ക്കാണ് വിപണിയില്‍ ഏറ്റവും കൂടുതല്‍ വിലയുള്ളത്. 170 രൂപ മുതല്‍ 175 രൂപ വരെയാണ് വിവിധ കേന്ദ്രങ്ങളിലെ ഇഞ്ചി വില.
