ഹൈദരാബാദ്:അംബരചുംബികളുടെ നഗരമായി മാറിയിരിക്കുകയാണ് ഹൈദരാബാദ്. ഗച്ചിബൗളിയിലും കോണ്ടാപൂരിലും നര്‍സിങിയിലും മറ്റും മാത്രമല്ല കിസ്‌മത്‌പൂര്‍, ഷംഷബാദ്, ഉപ്പല്‍, പോച്ചാരം, ഘടേശ്വര്‍, എല്‍ബി നഗര്‍, വനസ്‌തലിപുരം, അബിദ്സ്, പഞ്ചഗുട്ട, ഗുഡിമാല്‍ക്കപൂര്‍, തുടങ്ങിയ സ്ഥലങ്ങളിലും വന്‍ കെട്ടിടങ്ങള്‍ നിര്‍മ്മിക്കുന്നു. മുംബൈ കഴിഞ്ഞാല്‍ നമ്മുടെ രാജ്യത്ത് ഏറ്റവും ഉയരം കൂടിയ കെട്ടിടങ്ങളുള്ള നഗരമായി മാറുകയാണ് ഹൈദരാബാദും(Hyderabad ).
ഹൈദരാബാദാകട്ടെ രണ്ടാം നിര നഗരങ്ങളിലെ വന്‍കിട കെട്ടിട നിര്‍മ്മാതാക്കളുടെ മാത്രമല്ല മെട്രോ നഗരങ്ങളിലെയും കെട്ടിട നിര്‍മ്മാതാക്കളുടെ പഠന കേന്ദ്രമായി മാറിക്കഴിഞ്ഞിരിക്കുകയാണ് ഇപ്പോള്‍. നഗരത്തില്‍ അംബരചുംബികളായ കെട്ടിടങ്ങള്‍ നിര്‍മ്മിക്കുന്നതിന്‍റെ സാധ്യതകളാണ് ഇവര്‍ ആരായുന്നത്. നൂതന സാങ്കേതികളുടെ ഉപയോഗവും ഇവര്‍ പരിശോധിക്കുന്നുണ്ട്( home of skyscrapers0.
കെട്ടിട നിര്‍മ്മാണ രംഗത്തെ അതികായരുടെ കൂട്ടായ്മയായ ക്രെഡായും സൂക്ഷ്മ-ചെറുകിട-ഇടത്തരം മന്ത്രാലയവും ചേര്‍ന്ന് സംഘടിപ്പിക്കുന്ന രണ്ടാം പഠന യാത്രയ്ക്ക് കഴിഞ്ഞ ദിവസം നഗരത്തില്‍ തുടക്കമായി. ക്രെഡായ്ക്ക് കീഴില്‍ ഇന്ത്യയുടെ വിവിധ നഗരങ്ങളില്‍ പ്രവര്‍ത്തിക്കുന്ന കെട്ടിട നിര്‍മ്മാതാക്കള്‍ ഇതില്‍ പങ്കെടുക്കുന്നു. ഞായറാഴ്ച വരെയാണ് പരിപാടി(Credai, MSME).
ഡല്‍ഹി, മുംബൈ, ഛത്തീസ്ഗഢ്, കേരള, ആന്ധ്രാപ്രദേശ് തുടങ്ങിയ സംസ്ഥാനങ്ങളില്‍ നിന്നാണ് തങ്ങള്‍ ഇവിടെ എത്തിച്ചേര്‍ന്നിരിക്കുന്നതെന്ന് ആന്ധ്രാപ്രദേശിലെ ക്രെഡായ് ജോയിന്‍റ് സെക്രട്ടറി വേലുമുറി ഭീംശങ്കര്‍ റാവു പറഞ്ഞു. തങ്ങള്‍ വരുംകാല സാങ്കേതികതകളെക്കുറിച്ചാണ് പഠിക്കുന്നതെന്നും അദ്ദേഹം കൂട്ടിച്ചേര്‍ത്തു. ഇവിടെ എങ്ങനെയാണ് കെട്ടിട നിര്‍മ്മാണ പദ്ധതികള്‍ നടപ്പാക്കുന്നത് എന്നതിനെക്കുറിച്ചും പരിശോധിച്ചു. പരിസ്ഥിതി സംരക്ഷണത്തിന് ഇവര്‍ എന്തൊക്കെ മുന്‍കരുതലുകളാണ് കൈക്കൊള്ളുന്നതെന്നും പരിശോധിച്ചു. വ്യവസായം വളര്‍ത്താന്‍ കൈക്കൊള്ളുന്ന തന്ത്രങ്ങളും വിലയിരുത്തി.